Գերմանացի Յուրգեն Կլոպը 350-րդ հանդիպումն է անցկացրել «Լիվերպուլի» գլխավոր մարզիչի պաշտոնում՝ Անգլիայի առաջնության 22-րդ տուրում 3։0 հաշվով պարտության մատնելով «Բրենթֆորդին»։
«Ես երջանիկ եմ «Լիվերպուլում» 350-րդ հանդիպումս անցկացնելու կապակցությամբ։ Երբ 2015-ին եկա այս ակումբ, ամեն ինչ այլ կերպ էր։ Ունեցել ենք բարդ պահեր, բայց մեկ ընտանիքի նման հաղթահարել ենք։ Ցանկանում եմ, որ ամեն ինչ այսպես էլ մնա։ Մենք դեռ չենք ավարտել գրել այս գիրքը։
«Բրենթֆորդի» դեմ լավ խաղացինք։ Նրանց դեմ միշտ էլ անհարմար է։ Մենք հաղթահարեցինք նաեւ այս արգելքը։ Սալահի եւ Մանեի բացակայությունը նորմալ է։ Մենք գիտեինք, որ նրանք մեկնելու են Աֆրիկյան ազգերի գավաթին։ Այսօրվա արդյունքը թույլ է տալիս շատ չլարվել նրանց բացակայությունից»,- Կլոպի խոսքը մեջբերում է BBC-ն։
«Լիվերպուլը» (21 խաղ) 45 միավորով բարձրացավ երկրորդ տեղ եւ 2 միավոր առաջ է երրորդ տեղ նահանջած «Չելսիից» (22 միավոր)։ Առաջատար «Մանչեսթեր Սիթին» (22 խաղ) ունի 56 միավոր։
The boss takes charge of his th Reds game #LIVBRE pic.twitter.com/Z9Jdg14jHy
— Liverpool FC (@LFC) January 16, 2022
Հետևեք NEWS.am SPORT-ին Facebook-ում, Twitter և Telegram-ում