Իտալիայի առաջնության 20-րդ տուրում «Լացիոն» Հռոմի «Օլիմպիական» ստադիոնում ընդունեց «Էմպոլիին»։ Իտալացի Մաուրիցիո Սարիի գլխավորած թիմը միայն ավելացված ժամանակում խփած գոլի շնորհիվ խուսափեց պարտությունից՝ 3։3։
«Էմպոլին» արդեն առաջին 8 րոպեում երկու գոլ խփեց։ Այնուհետեւ «Լացիոյից» հավասարությունը վերականգնեցին իտալացի հարձակվող Չիրո Իմոբիլեն ու սերբ կիսապաշտպան Սերգեյ Միլինկովիչ-Սավիչը։ «Էմպոլիի» երրորդ գոլը վերջնամասում խփեց իտալացի հարձակվող Ֆեդերիկո Դի Ֆրանչեսկոն։ Դրանից հետո Իմոբիլեն 86-րդ րոպեին չկարողացավ արդյունավետ իրացնել 11 մետրանոցը։ Իսկ դաշտի տերերի երրորդ գոլը խփեց Միլինկովիչ-Սավիչը՝ ձեւակերպելով դուբլ։
«Լացիոն» 32 միավորով 8-րդն է, «Էմպոլին» 9-րդն է՝ 28 միավոր։
Իտալիայի առաջնություն, 20-րդ տուր
«Լացիո» - «Էմպոլի»՝ 3։3 (տեսանյութ)
Չիրո Իմոբիլե, 14, Սերգեյ Միլինկովիչ-Սավիչ, 66, 90+3 - Նեդիմ Բայրամի, 6, 11մ, Շիմոն Ժուրովսկի, 8, Ֆեդերիկո Դի Ֆրանչեսկո, 75
Չիրացրած 11մ՝ Չիրո Իմոբիլե, 86
Հետևեք NEWS.am SPORT-ին Facebook-ում, Twitter և Telegram-ում