Աշխարհի չեմպիոն Մագնուս Կարլսենը շնորհավորել է Ուզբեկստանի ներկայացուցիչ, 17-ամյա Նոդիրբեկ Աբդուսատորովին արագ շախմատի աշխարհի չեմպիոնի կոչումը նվաճելու կապակցությամբ։
«Եթե մի կողմ թողնենք կանոնների վերաբերյալ վիճարկումները, ապա սա բացարձակ անհավանական նվաճում է»,- Թվիթերում գրել է 31-ամյա նորվեգացի գրոսմայստերը։
Հիշեցնենք, որ 13 տուրից հետո Աբդուսատորովը, ռուսաստանցի Յան Նեպոմնյաշչին, Կարլսենն ու ամերիկացի Ֆաբիանո Կարուանան վաստակել էին 9,5-ական միավոր։ Լրացուցիչ ցուցանիշների հաշվարկից հետո Աբդուսատորովն ու Նեպոմնյաշչին թայ-բրեյքի երկու պարտիայում վիճարկել էին տիտղոսը։ Աբդուսատորովը հաղթել էր 1,5։0,5 հաշվով։
Թայ-բրեյքից առաջ Կարլսենը նորվեգական լրատվամիջոցների ներկայացուցիչների հետ զրույցում դժգոհել էր թայ-բրեյքի կանոններից։ 10-րդ տուրում Աբդուսատորովը պարտության էր մատնել Կարլսենին։
Squabbles about the rules aside, what an absolutely incredible acheviement! https://t.co/OGTtJMF4Xl
— Magnus Carlsen (@MagnusCarlsen) December 28, 2021
Հետևեք NEWS.am SPORT-ին Facebook-ում, Twitter և Telegram-ում