Իտալիայի առաջնության 19-րդ տուրում չեմպիոն եւ առաջատար Միլանի «Ինտերը» տանը մրցեց «Տորինոյի» հետ եւ հաղթանակ տարավ 1։0 հաշվով։ Իտալացի Սիմոնե Ինձագիի գլխավորած թիմի գոլը 30-րդ րոպեին բոսնիացի հարձակվող Էդին Ջեկոյի փոխանցումից հետո խփեց հոլանդացի պաշտպան Դենզել Դյումֆրիսը։
«Ինտերը» 46 միավորով գլխավորում է մրցաշարային աղյուսակը եւ 7 միավոր առաջ է երկրորդ տեղում գտնվող «Նապոլիից», որը մեկ հանդիպում քիչ է անցկացրել։
«Ռոման» հյուրընկալեց «Սամպդորիային»։ Պորտուգալացի Ժոզե Մոուրինոյի գլխավորած թիմը բավարարվեց ոչ ոքի արդյունքով՝ 1։1։ 72-րդ րոպեին «Ռոմայի» գոլը խփեց ուզբեկ հարձակվող Էլդոր Շոմուրոդովը, որը փոխարինման էր դուրս եկել 67-րդ րոպեին։
80-րդ րոպեին հյուրերի պատասխան գոլը խփեց իտալացի հարձակվող Մանոլո Գաբյադինին։
Հայաստանի հավաքականի կիսապաշտպան Հենրիխ Մխիթարյանը հռոմեական թիմի մեկնարկային կազմում էր եւ անցկացրեց ամբողջ հանդիպումը։
«Ռոման» 32 միավորով 6-րդն է, նույնքան միավոր ունի նաեւ 7-րդ տեղում ընթացող «Ֆիորենտինան», որը 1։1 հաշվով խաղաց «Վերոնայի» հետ։
Հունվարի 6-ին անցկացվելիք հաջորդ տուրի խաղում «Ռոման» կհյուրընկալվի «Միլանին»։
Իտալիայի առաջնություն, 19-րդ տուր
«Ռոմա» - «Սամպդորիա»՝ 1։1 (տեսանյութ)
Էլդոր Շոմուրոդով, 72 - Մանոլո Գաբյադինի, 80
«Ինտեր» - «Տորինո»՝ 1:0 (տեսանյութ)
Դենզել Դյումֆրիս, 30
«Վերոնա» - «Ֆիորենտինա»՝ 1։1
Կեւին Լասանյա, 17 - Գաետանո Կաստրովիլի, 81
«Էմպոլի» - «Միլան»՝ 23։45 (Երեւանի ժամանակ)
«Նապոլի» - «Սպեցիա»՝ 23։45
Հետևեք NEWS.am SPORT-ին Facebook-ում, Twitter և Telegram-ում