Ուզբեկստանի մայրաքաղաք Տաշքենդում ընթացող ծանրամարտի աշխարհի առաջնության 102 կգ քաշայինների պայքարն անհաջող ստացվեց Եվրոպայի գործող չեմպիոն Սամվել Գասպարյանի եւ փոխչեմպիոն Արսեն Մարտիրոսյանի համար: Հայաստանի երկու ներկայացուցիչներն էլ զրո ստացան հրում վարժությունում:
Պոկում վարժությունում Եվրոպայի չեմպիոնը նվաճեց փոքր բրոնզե մեդալ: Գյումրեցի ըմբիշը հաջողությամբ կատարեց միայն առաջին մոտեցումը՝ գլխավերեւում պահելով 175 կգ ծանրաձողը: Երկրորդ եւ երրորդ մոտեցումների համար պատվիրված 180 եւ 181 կգ Գասպարյանը ձախողեց:
Արսեն Մարտիրոսյանը պոկում վարժությունից հետո 170 կգ արդյունքով չորրորդն էր: Եվրոպայի փոխչեմպիոնն էլ հաջողեց միայն առաջին մոտեցումն, ինչպես Սամվել Գասպարյանը: Երկրորդ եւ երրորդ մոտեցումների համար պատվիրված 175 կգ չկարողացավ պոկել:
Երկու ծանրորդները ձախողեցին հրում վարժությունը: Գասպարյանը երեք փորրձով չկարողացավ հրել 215 կգ-ոց ծանրաձողը, Արսեն Մարտիրոսյանը չկարողացավ հրել 210 կգ-ն:
Հիշեցնենք, որ 2021 թվականի ապրիլին Մոսկվայում անցկացված Եվրոպայի առաջնությունում Սամվել Գասպարյանը 102 կգ քաշայինների պայքարում երկամարտի 390 կգ արդյունքով նվաճել էր չեմպիոնի կոչումը (176+214) և 10 կգ գերազանցեց երկրորդ տեղը գրաված Արսեն Մարտիրոսյանին՝ 380 կգ (171+209):
Հետևեք NEWS.am SPORT-ին Facebook-ում, Twitter և Telegram-ում
21:57 , 18 ապրիլի 
21:20 , 18 ապրիլի 
20:59 , 18 ապրիլի 
20:03 , 18 ապրիլի 
19:50 , 18 ապրիլի 
18:59 , 18 ապրիլի 
18:10 , 18 ապրիլի 
17:27 , 18 ապրիլի 
16:57 , 18 ապրիլի 
16:11 , 18 ապրիլի 
