Անգլիական «Լիվերպուլի» գերմանացի գլխավոր մարզիչ Յուրգեն Կլոպն ամփոփել է իտալական «Միլանի» նկատմամբ տարած 2։1 հաշվով հաղթանակը Չեմպիոնների լիգայի խմբային մրցաշարի վերջին տուրում։ «Միլանը» խմբում գրավեց վերջին տեղը եւ դուրս մնաց պայքարից։
«Ես շատ հպարտ եմ 6-րդ հաղթանակի կապակցությամբ։ Մենք ընտրեցինք այս կազմը, քանի որ ցանկանում էինք հաղթել։ Մեզ պետք էր թարմություն, պայքարելու ցանկություն, իսկ դա բարդ է՝ հաշվի առնելով ծանրաբեռնված օրացույցը։
Անհավանական է մեր տղաների արածը։ Ֆանտաստիկ խաղ էր, ես անչափ երջանիկ եմ։ Շատ էին դրվագները, երբ բացառիկ լավ էինք խաղում եւ պաշտպանվում էինք կրքով եւ կազմակերպված»,- Կլոպի խոսքը մեջբերում է BBC-ն։
«Լիվերպուլը» դարձավ պատմության մեջ առաջին անգլիական թիմը, որը կարողացավ հաղթանակով ավարտել Չեմպիոնների լիգայի խմբային մրցաշարի բոլոր հանդիպումները։
Հետևեք NEWS.am SPORT-ին Facebook-ում, Twitter և Telegram-ում