13:32  ,  4 դեկտեմբերի, 2021

Չավի․ «Բետիսի» դեմ առաջիկա խաղն էլ եզրափակիչ է

«Բարսելոնայի» գլխավոր մարզիչ Չավին «Բետիսի» դեմ Իսպանիայի առաջնության 16-րդ տուրի հանդիպումից առաջ խոսել է ամեն հանդիպման կարեւորության մասին։

«Սա եւս եզրափակիչ է։ Ես շատ առաջ չեմ նայում, ամեն հանդիպումն էլ կարեւոր է։ Մեզ սպասվում է կարեւոր շաբաթ, բայց հետո կգա եւս մեկ կարեւոր շաբաթ։ Անկախ այն բանից, թե ինչ տեղի կունենա Մյունխենում, սա «Բարսելոնան» է եւ այստեղ ամեն օր են պահանջում արդյունք։

Հունվարին եւ փետրվարին դարձյալ կունենանք կարեւոր շաբաթներ եւ դարձյալ ինձ կհարցնեք դրա մասին։ Մինչեւ արձակուրդ մենք հանգիստ չունենք։

«Բարսելոնան» աշխարհի ամենաբարդ ակումբն է։ Կատալոնացիները շատ պահանջկոտ են, միայն հաղթելը քիչ է։ Պետք է նաեւ լավ խաղալ։ Մենք ցանկանում ենք միշտ հաղթել։ Մեր գլխավոր նպատակը հաղթանակն է։ Այդ հարցում այստեղ բոլորը համերաշխ են»,- Չավիի խոսքը մեջբերում է Mundo Deportivo-ն։

«Բարսելոնա» - «Բետիս» հանդիպումը տեղի կունենա դեկտեմբերի 4-ին եւ կմեկնարկի Երեւանի ժամանակով 19։15-ին։

Հետևեք NEWS.am SPORT-ին Facebook-ում, Twitter և Telegram-ում