21:07  ,  2 դեկտեմբերի, 2021

Էրիկսենն առաջին մարզումն է անցկացրել սրտի վիրահատությունից հետո

Իտալիայի չեմպիոն Միլանի «Ինտերի» եւ Դանիայի հավաքականի կիսապաշտպան Կրիստիան Էրիկսենը սրտի վիրահատությունից հետո առաջին մարզումն է անցկացրել, սակայն դանիական «Օդենսե» ակումբում։

Իտալիայի ֆուտբոլային իշխանությունները թույլ չէին տվել Էրիկսենին պրոֆեսիոնալ ֆուտբոլային գործունեությամբ զբաղվել Իտալիայում, քանի դեռ նրա կրծքավանդակում տեղադրված է սրտի ռիթմը կարգավորող կարդիովերտեր-դեֆիբրիլյատոր։

Կրիստիան Էրիկսենը «Օդենսեում» հանդես է եկել 2005-2008 թվականներին։

«Մենք շատ ուրախ ենք Էրիկսենին տրամադրել մարզվելու հնարավորություն։ Նա դիմել է մեզ այդ հարցով եւ այժմ մարզվում է ընդհանուր խմբից առանձին»,- «Օդենսեի» ներկայացուցիչներից մեկի խոսքը մեջբերում է The Athletic-ը։

Էրիկսենը հայտնել էր, որ ցանկանում է վերսկսել կարիերան հաջորդ մրցաշրջանում։ Նրան վերադարձնելու ցանկություն էր հայտնել նաեւ Ամստերդամի «Այաքսը», որի երիտասարդական եւ գլխավոր թիմերում հանդես է եկել 2009-2013 թվականներին։ «Ինտերը» հայտարարել էր, որ դեմ չէ նրա տեղափոխությանն այլ ակումբ։

Հիշեցնենք, որ Ֆինլանդիայի հավաքականի դեմ Եվրո-2020-ի B խմբի առաջին տուրի հանդիպման ժամանակ Էրիկսենը կորցրել էր գիտակցությունը և մոտ 20 րոպե խաղադաշտում բուժօգնություն ստանալուց հետո տեղափոխվել հիվանդանոց:

Նրա սիրտը մի քանի վայրկյան կանգ էր առել: Էրիկսենի կրծքավանդակում տեղադրվել է կարդիովերտեր-դեֆիբրիլյատոր, որը կանխում է կյանքին սպառնացող սրտային առիթմիաները եւ սրտի կանգը։

Իտալիայում արգելված է մասնակցել  պրոֆեսիոնալ մրցումների  կարդիովերտեր-դեֆիբրիլյատորով մարզիկներին։

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ