Դեւիսի գավաթ․ Նովակ Ջոկովիչն ու Դուշան Լայովիչը հաղթանակ բերեցին Սերբիային

Սերբիայի հավաքականը հաղթանակով մեկնարկեց Դեւիսի գավաթի խաղարկությունում՝ թենիսի տղամարդկանց աշխարհի ոչ պաշտոնական թիմային առաջնությունում։

Խմբային փուլի առաջին տուրում Սերբիայի հավաքականը F խմբում մրցեց ավստրիացիների հետ եւ հաղթեց մենախաղի երկու հանդիպումների արդյունքում։

Դուշան Լայովիչը երեք սեթում պարտության մատնեց Գերալդ Մելցերին՝ 7:6 (7:5), 3:6, 7:5։

Աշխարհի առաջին ռակետ Նովակ Ջոկովիչը 6։3, 6։2 հաշվով առավելության հասավ Դենիս Նովակի նկատմամբ։ Հավասար արդյունքի դեպքում կանցկացվեր նաեւ զուգախաղի մեկ հանդիպում։

F խմբում է ընդգրկված նաեւ Գերմանիայի հավաքականը։ Հաջորդ փուլ դուրս կգա խմբի հաղթողը։

Հետևեք NEWS.am SPORT-ին Facebook-ում, Twitter և Telegram-ում