Թուրինի «Յուվենտուսի» իտալացի գլխավոր մարզիչ Մասիմիլիանո Ալեգրին Իտալիայի ընթացիկ առաջնությունում տիտղոսի համար պայքարում ֆավորիտ է համարում չեմպիոն Միլանի «Ինտերին»։
«Ինձագին չի ընդունում, սակայն «Ինտերը» այս մրցաշրջանում էլ չեմպիոնության հիմնական հավակնորդն է։ Ֆուտբոլում ամեն ինչ կարող է պատահել, բայց նրանք գլխավոր ֆավորիտներն են։
Մեր կազմում Մոյզե Քինն ու Ֆեդերիկո Բերնարդեսկին դուրս են մնացել անորոշ ժամանակով, Ռաբյոն վերականգնվել է վնասվածքից հետո։ Պաուլո Դիբալան ու Ֆեդերիկո Կիեզան կմասնակցեն կիրակնօրյա խաղին։ Մյուսներն էլ պատրաստ են»,- Ալեգրիի խոսքը մեջբերում է Football Italia-ն։
Իտալիայի առաջնության 10-րդ տուրում «Յուվենտուսը» հոկտեմբերի 27-ին կընդունի «Սասուոլոյին»։
Հետևեք NEWS.am SPORT-ին Facebook-ում, Twitter և Telegram-ում