«Մանչեսթեր Յունայթեդի» ղեկավարությունը ցանկանում է գլխավոր մարզիչի պաշտոնում նորվեգացի Ուլե-Գունար Սուլշերի փոխարեն նշանակել Անտոնիո Կոնտեին, որն ամռանը Միլանի «Ինտերից» հեռանալուց հետո մարզչական աշխատանք չունի։
Սակայն իտալացի մասնգետը անգլիական ակումբից պահանջում է առնվազն 3 տարվա պայմանագիր նոր նախագիծ կառուցելու համար անհրաժեշտ ժամանակ ունենալու նպատակով, հաղորդում է twitter.com/NicoSchira-ն։
Անտոնիո Կոնտեն չեմպիոնական տիտղոսներ է նվաճել Լոնդոնի «Չելսիի», Թուրինի «Յուվենտուսի» եւ Միլանի «Ինտերի» հետ։
Հիշեցնենք, որ Անգլիայի առաջնության 9-րդ տուրում «Մանչեսթեր Յունայթեդը» «Օլդ Տրաֆորդում» 0։5 հաշվով պարտվել է գերմանացի Յուրգեն Կլոպի գլխավորած «Լիվերպուլին»։
Անգլիայի անցած առաջնությունում «Մանչեսթեր Յունայթեդը» նվաճել է փոխչեմպիոնի կոչումը։
Հետևեք NEWS.am SPORT-ին Facebook-ում, Twitter և Telegram-ում