17:19  ,  23 հոկտեմբերի, 2021

«Չելսիի» տպավորիչ հաղթանակը՝ 7։0 (տեսանյութ)

Անգլիայի առաջնության 9-րդ տուրում առաջատար «Չելսին» Լոնդոնում ընդունեց հետնապահ «Նորվիչ Սիթիին»։ Գերմանացի Թոմաս Տուխելի գլխավորած թիմն առավելության հասավ 7։0 հաշվով։

Հեթ-տրիկի հեղինակ դարձավ անգլիացի կիսապաշտպան Մեյսոն Մաունթը։ Աչքի ընկան նաեւ անգլիացի հարձակվող Կալում Հադսոն-Օդոին, անգլիացի պաշտպաններ Ռիս Ջեյմսն ու Բեն Չիլուելը։ Ինքնագոլի հեղինակ դարձավ հյուրերի անգլիացի պաշտպան Մաքսիմիլիան Աարոնսը։

«Չելսին» 22 միավորով գլխավորում է մրցաշարային աղյուսակը եւ 4 միավոր առաջ է երկրորդ տեղում ընթացող «Լիվերպուլից», որը մեկ հանդիպում քիչ է անցկացրել։ «Նորվիչ Սիթին» վերջինն է՝ 2 միավոր։

Անգլիայի առաջնություն, 9-րդ տուր

«Չելսի» - «Նորվիչ Սիթի»՝ 7։0 (տեսանյութ)

Մեյսոն Մաունթ, 8, 85, 11մ, 90+1, Կալում Հադսոն-Օդոի, 18, Ռիս Ջեյմս, 42, Բեն Չիլուել, 57, Մաքսիմիլիան Աարոնս, 62, ինքնագոլ

Հեռացում՝ Բեն Գիբսոն («Նորվիչ Սիթի»), 65

Հետևեք NEWS.am SPORT-ին Facebook-ում, Twitter և Telegram-ում