15:18  ,  23 հոկտեմբերի, 2021

Անսու Ֆատին չի ընդունել ՊՍԺ-ի գրավիչ առաջարկը

Ֆրանսիական ՊՍԺ-ն փորձել է ազատ գործակալի կարգավիճակում ձեռք բերել «Բարսելոնայի» եւ Իսպանիայի հավաքականի հարձակվող Անսու Ֆատիին։ Փարիզյան ակումբը 18-ամյա ֆուտբոլիստին առաջարկել է միանվագ 30 միլիոն եվրո կատալոնական ակումբի հետ պայմանագիրը չերկարաձգելու համար, իսկ տարեկան աշխատավարձը՝ 15 միլիոն եվրո, հաղորդում է Mundo Deportivo-ն։

Անսու Ֆատին ու նրա գործակալ Ժորժե Մենդեշը չեն ընդունել առաջարկը՝ համարելով, որ զարգացման եւ աճի համար լավագույն պայմանները «Բարսելոնայում» են։

Ֆատիի նոր պայմանագիրը կատալոնական ակումբի հետ նախատեսված է մինեւ 2027թ․ հունիս։ Հրաժարագինը սահմանվել է 1 միլիարդ եվրո։ Նախորդ պայմանագիրը նախատեսված էր մինչեւ 2022թ․ հունիս։

Հետևեք NEWS.am SPORT-ին Facebook-ում, Twitter և Telegram-ում


  • Լրահոս