Իտալական «Ռոմայի» ավագ Լորենցո Պելեգրինին ներողություն է խնդրել Կոնֆերենցիաների լիգայի երրորդ տուրի արտագնա խաղում Նորվեգիայի առաջնության առաջատար «Բոդյո-Գլիմտից» կրած 1։6 հաշվով պարտության համար։
«Քիչ բան կարելի է ասել հիմա։ Կարող եմ միայն ներողություն խնդրել եւ խոստանալ, որ շատ արագ կվերադառնանք ճիշտ ուղու վրա։ Ամեն ինչ ասվել է հանդերձարանում, ամեն ինչ այնտեղ էլ կմնա։
Երբեմն պետք է ստանալ այսպիսի ապտակ, որպեսզի ինչ-որ բան սերտել։ Այսօր մենք արժանի էինք այս ապտակին։ Պետք է վստահ լինենք, որ դասեր կքաղենք այս ստորացումից եւ կպահպանենք ճիշտ տրամադրվածությունը մինչեւ մրցաշրջանի ավարտը։
Ես չեմ անհանգստանում, հիասթափված չեմ, պարզապես զայրացած եմ։ Վաղվանից պետք է ավելի եռանդով աշխատենք, քանի որ առջեւում հանդիպումներ են, որոնցում պետք է հաղթել»,- Պելեգրինիի խոսքը մեջբերում է Sky Sport Italia-ն։
«Ռոման» հաջորդ հանդիպումը կանցկացնի արդեն երկու օր հետո։ Իտալիայի առաջնության 9-րդ տուրում պորտուգալացի Ժոզե Մոուրինյոյի գլխավորած թիմը հոկտեմբերի 24-ին կընդունի առաջատար «Նապոլիին»։
Հետևեք NEWS.am SPORT-ին Facebook-ում, Twitter և Telegram-ում