Իսպանիայի առաջնության 9-րդ տուրում «Բարսելոնան» տանը կամային հաղթանակ տարավ «Վալենսիայի» նկատմամբ։
Հյուրերն առաջինը հասան հաջողության իսպանացի պաշտպան Խոսե Լուիս Գայայի գոլի շնորհիվ արդեն 5-րդ րոպեին։
13-րդ րոպեին հավասարությունը վերականգնեց կատալոնական թիմի եւ Իսպանիայի հավաքականի հարձակվող Անսու Ֆատին։ 41-րդ րոպեին 11 մետրանոցն արդյունավետ իրացրեց հոլանդացի հարձակվող Մեմֆիս Դեպայը, իսկ 85-րդ րոպեին «Բարսելոնայի» առավելությունն ամրապնդեց բրազիլացի կիսապաշտպան Ֆիլիպե Կոուտինյոն։
Պաշտոնական խաղերում «Բարսելոնայի» կազմում նորամուտը նշեց արգենտինացի հարձակվող Սերխիո Ագուերոն, որը փոխարինման դուրս եկավ 87-րդ րոպեին։
«Բարսելոնան» 15 միավորով 7-րդն է, «Վալենսիան» 9-րդն է՝ 12 միավոր։
Իսպանիայի առաջնություն, 9-րդ տուր
«Բարսելոնա» - «Վալենսիա»՝ 3։1 (տեսանյութ)
Անսու Ֆատի, 13, Մեմֆիս Դեպայ, 41, 11մ, Ֆիլիպե Կոուտինյո, 85 - Խոսե Լուիս Գայա, 5
Հետևեք NEWS.am SPORT-ին Facebook-ում, Twitter և Telegram-ում