01:39  ,  12 հոկտեմբերի, 2021

Կապառոս․ Մեր խաղացողներին պետք է շնորհավորել երկրորդ խաղակեսում գործադրած ջանքերի համար

Ֆուտբոլի Հայաստանի հավաքականի իսպանացի գլխավոր մարզիչ Խոակին Կապառոսը մեկնաբանել է Ռումինիայից կրած 0։1 հաշվով պարտությունը աշխարհի առաջնության ընտրական մրցաշարի 8-րդ տուրի խաղում։

«Այո, առաջին խաղակեսում լավ հանդես չեկանք եւ ընդմիջմանը փոփոխությունները միտված էին խաղի ընթացքը բեկելուն։ Առաջին խաղակեսում չէինք կարողանում վերահսկել գնդակը, դա խնդիր էր, սակայն մրցակիցը անկյունայինից հետո գրավեց մեր դարպասը։ Պետք է աշխատել, որպեսզի հետագայում խուսափենք այդպիսի գոլերից։

Երկրորդ խաղակեսում մենք կարող էինք հավասարեցնել հաշիվը։ Արդար կլիներ, եթե մենք գոլ խփեինք։ Մեր խաղացողներին պետք է շնորհավորել երկրորդ խաղակեսում գործադրած ջանքերի համար։

Գոհ եմ Մխիթարյանի խաղից, նրա վարքից։ Նա շատ ջանքեր գործադրեց։

Մեր խնդիրը բարդացավ, բայց կշարունակենք պայքարել, քանի դեռ ուղեգիր նվաճելու տեսական շանս ունենք։

Հայաստանի, Ռումինիայի եւ Հյուսիսային Մակեդոնիայի թիմերը շատ հավասարազոր թիմեր են, պարզապես կան փոքր դետալներ, որոնք նպաստում են այս կամ այն հավաքականի հաղթանակին»,- ասել է Խոակին Կապառոսը հետխաղային ասուլիսում։

Հայաստանի հավաքականը նախավերջին տուրում նոյեմբերի 11-ին կընդունի Հյուսիսային Մակեդոնիայի հավաքականին։

ԱԱ-2022, ընտրական փուլ, 8-րդ տուր, J խումբ

Ռումինիա - Հայաստան՝ 1:0 (տեսանյութ)

Յոնուց Միտրիցե, 26

Հյուսիսային Մակեդոնիա - Գերմանիա՝ 0։4 (տեսանյութ)

Կայ Հավերց, 50, Տիմո Վերներ, 70, 74, Ջամալ Մուսիալա, 84

Իսլանդիա - Լիխտենշտեյն՝ 4։0

Ստեֆան Տեյտուր Տորդարսոն, 19, Ալբերտ Գուդմունդսոն, 35, 11մ, 79, 11մ, Անդրի Գուդյոնսեն, 89

Հեռացում՝ Մարտին Մարկսեր (Լիխտենշտեյն), 63, երկրորդ դեղին քարտ

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ