Տոնի Կրոսը վիրահատությունից հետո վերսկսել է մարզումները «Ռեալի» ընդհանուր խմբում

Մադրիդի «Ռեալի» 31-ամյա գերմանացի կիսապաշտպան Տոնի Կրոսի աճուկի վիրահատությունից հետո վերականգնվել է եւ վերսկսել է մարզումները իտալացի Կառլո Անչելոտիի գլխավորած թիմի ընդհանուր խմբում, հաղորդում է ակումբի մամուլի ծառայությունը։

Կրոսի մոտ ախտորոշվել էր աճուկի մշտական ցավի համախտանիշ՝ պուբալգիա։

Իսպանիայի առաջնության 6-րդ տուրում «Ռեալը» սեպտեմբերի 25-ին կընդունի «Վիլյառեալին»։ Հանդիպումը կմեկնարկի Երեւանի ժամանակով 23։00-ին։

Տոնի Կրոսը 2014 թվականից է խաղում «Ռեալում», որի կազմում անցկացրել է 212 հանդիպում, խփել 18 գոլ ու նվաճել 14 տիտղոս: Նրա գործող պայմանագիրը նախատեսված է մինչև 2023թ․ հունիս:

Հիշեցնենք, որ Եվրո-2020-ից հետո Տոնի Կրոսը հայտարարել էր Գերմանիայի հավաքականից հեռանալու մասին:

Հետևեք NEWS.am SPORT-ին Facebook-ում, Twitter և Telegram-ում