Անդրես Ինիեստա․ Չավին պատրաստ է գլխավորել «Բարսելոնան»

«Բարսելոնայի» եւ Իսպանիայի հավաքականի նախկին կիսապաշտպան, այժմ ճապոնական «Վիսել Կոբեում» հանդես եկող Անդրես Ինիեստան մեկնաբանել է նախկին ակումբակից, այժմ Քաթարի «Ալ Սադը» գլխավորող Չավիի հնարավոր նշանակումը «Բարսելոնայի» գլխավոր մարզիչ։

«Ես կարծում եմ՝ Չավին պատրաստ է։ Ես պատկերացնում եմ նրան այդ դերում։ Չավին պատրաստվել եւ փորձ է ձեռք բերել, որպեսզի մարզի «Բարսելոնան»։ Նա ունի վստահություն, որպեսզի ընդունի այդ մարտահրավերը»,- Ինիեստայի խոսքը մեջբերում է Sport.es-ը։

«Բարսելոնայի» ղեկավարությունը մտադիր չէ երկրարաձգել պայմանագիրը թիմի հոլանդացի գլխավոր մարզիչ Ռոնալդ Կումանի հետ։ Չի բացառվում նաեւ պաշտոնանկություն արդեն այս աշնանը։

Հետևեք NEWS.am SPORT-ին Facebook-ում, Twitter և Telegram-ում