14:46  ,  16 սեպտեմբերի, 2021

Արտյոմ Սիմոնյանը` գոլի հեղինակ

Ֆուտբոլի Ռուսաստանի Առաջին դիվիզիոնի առաջնության 11-րդ տուրում Աստրախանի «Վոլգարը» 1:1 հաշվով է ավարտել Վլադիկավկազի «Ալանիայի» հետ տնային հանդիպումը:

«Վոլգարի» կազմում խաղի հաշիվը 74-րդ րոպեին բացել է թիմի նորեկ, Հայաստանի հավաքականի թեկնածու Արտյոմ Սիմոնյանը: 26-ամյա կիսապաշտպանն անվրեպ է իրացրել 11 մետրանոց հարվածը և երկրորդ գոլը խփել ընթացիկ առաջնությունում: Սիմոնյանը փոխարինվել է 84-րդ րոպեին, իսկ 4 րոպե անց հյուրերը խփել են պատասխան գոլը:

«Վոլգարը» 6 միավորով եզրափակում է մրցաշարային աղյուսակը:

Հիշեցնենք, որ անցած մրցաշրջանում Արտյոմ Սիմոնյանը հանդես էր գալիս ռուսական «Տոմում», որի հետ նրա պայմանագրի ժամկետը լրացել էր հունիսի 30-ին։ Ռուսաստանի Առաջին դիվիզիոնի ավարտված առաջնությունում հայ կիսապաշտպանը մասնակցել է 16 հանդիպման և դարձել 4 գոլի հեղինակ:

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ