Դորտմունդի «Բորուսիայի» անգլիացի կիսապաշտպան Ջուդ Բելինգեմը, գոլի հեղինակ դառնալով թուրքական «Բեշիկթաշի» դեմ Չեմպիոնների լիգայի խմբային մրցաշարի առաջին տուրի խաղում (2:1), սահմանել է տպավորիչ ռեկորդ:
OptaJoe-ի համաձայն՝ Բելինգեմը Չեմպիոնների լիգայի 2 խաղերում անընդմեջ գոլ խփած ամենաերիտասարդ ֆուտբոլիստն է: Նա ռեկորդը սահմանել է 18 տարեկան և 78 օրականում:
Անգլիացի կիսապաշտպանը նախորդ գոլը խփել էր «Մանչեսթեր Սիթիի» դեմ Չեմպիոնների լիգայի անցյալ մրցաշրջանի 1/4 եզրափակիչի պատասխան խաղում (1:2):
Այդ ցուցանիշով նախորդ ռեկորդակիրն էր ֆրանսիական ՊՍԺ-ի հարձակվող Կիլիան Մբապեն, որը 2017-ին ռեկորդը գրանցել էր «Մոնակոյում»: Ռեկորդի պահին ֆրանսիացին 18 տարեկան և 85 օրական էր:
«Բեշիկթաշի» դեմ խաղից հետո Ջուդ Բելինգեմը համբուրել է «Բորուսիայի» նորվեգացի հարձակվող Էրլինգ Հոլանդին, որն անգլիացու փոխանցումից հետո դարձել էր գոլի հեղինակ:
Un peu de love dans ce monde de buts . Bellingham qui sort de nulle part et glisse un petit bisou à son Haaland sûr en pleine interview d'après-match. pic.twitter.com/g97ITCSWkg
— RMC Sport (@RMCsport) September 16, 2021
Հետևեք NEWS.am SPORT-ին Facebook-ում, Twitter և Telegram-ում