00:54  ,  13 սեպտեմբերի, 2021

«Ռեալի» կամային հաղթանակը, Բենզեմայի հեթ-տրիկը (տեսանյութ)

Իսպանիայի առաջնության չորրորդ տուրում «Ռեալը» Մադրիդում խաղաց Վիգոյի «Սելտայի» հետ եւ կամային հաղթանակ տարավ 5։2 հաշվով։

Հյուրերը խաղի հաշիվը բացեցին արդեն չորրորդ րոպեին իսպանացի հարձակվող Սանտի Մինայի գոլի շնորհիվ։ Սակայն 24-րդ րոպեին ֆրանսիացի հարձակվող Քարիմ Բենզեման խփեց պատասխան գոլը, իսկ երկրորդ խաղակեսում ձեւակերպեց հեթ-տրիկ։

Արքայական ակումբից աչքի ընկան նաեւ բրազիլացի հարձակվող Վինիսիուս Ժունիորը եւ նորամուտը նշած ֆրանսիացի կիսապաշտպան Էդուարդո Կամավինգան։

«Ռեալը» 10 միավորով գլխավորեց մրցաշարային աղյուսակը։ Նույնքան են վաստակել նաեւ «Վալենսիան» ու Մադրիդի «Աթլետիկոն»։ «Սելտան» 18-րդն է՝ 1 միավոր։

Իսպանիայի առաջնություն, չորրորդ տուր

«Ռեալ» - «Սելտա»՝ 5։2 (տեսանյութ)

Քարիմ Բենզեմա, 24, 46, 87, 11մ, Վինիսիուս Ժունիոր, 54, Էդուարդո Կամավինգա, 72 – Սանտի Մինա, 4, Ֆրանկո Սերվի, 31   

Հետևեք NEWS.am SPORT-ին Facebook-ում, Twitter և Telegram-ում