09:15 , 9 սեպտեմբերի, 2021

Նոյեր․ Լիխտենշտեյնը, Հայաստանն ու Իսլանդիան այն մրցակիցները չեն, որոնց կհանդիպես ԱԱ-ի փլեյ-օֆֆում

Գերմանիայի հավաքականի եւ Մյունխենի «Բավարիայի» դարպասապահ Մանուել Նոյերը մեկնաբանել է հաղթանակը Իսլանդիայի հավաքականի նկատմամբ աշխարհի առաջնության ընտրական մրցաշարի 6-րդ տուրում։ Բունդեսթիմն առավելության էր հասել 4։0 հաշվով։

«Իհարկե, Լիխտենշտեյնը, Հայաստանն ու Իսլանդիան այն մրցակիցները չեն, որոնց կհանդիպես աշխարհի առաջնության փլեյ-օֆֆում, բայց ամեն դեպքում կարեւոր էր դրական ազդակներ ուղարկելը։ Մեր նպատակը հաջորդ տարի աշխարհի չեմպիոն դառնալն է։

Մենք ունենք նոր մարզչական շտաբ եւ մեզ են միացել մի քանի երիտասարդ ֆուբոլիստներ։ Հնարավոր չէ այսքան շատ փոփոխություններ կատարել մեկ ակնթարթում, բայց մենք ճիշտ ուղու վրա ենք։ Մենք ցանկանում ենք շարունակել նույն ոգով»,- Նոյերի խոսքը մեջբերում է ՈւԵՖԱ-ի մամուլի ծառայությունը։

Գերմանիայի հավաքականը 15 միավորով J խմբի առաջատարն է։ Հայաստանի հավաքականը երկրորդն է՝ 11 միավոր։

ԱԱ-2022, ընտրական մրցաշար, 6-րդ տուր

J խումբ

Իսլանդիա - Գերմանիա՝ 0։4 (տեսանյութ)

Սերժ Գնաբրի, 4, Անտոնիո Ռյուդիգեր, 24, Լերոյ Սանե, 56, Տիմո Վերներ, 89

Հյուսիսային Մակեդոնիա - Ռումինիա՝ 0։0

Հայաստան - Լիխտենշտեյն՝ 1:1 (տեսանյութ)

Հենրիխ Մխիթարյան, 45+5 (11մ) – Նոա Ֆրիկ, 80