Երևանի «Ուրարտուի» կիսապաշտպան Նարեկ Գրիգորյանը քվեարկության արդյունքում ճանաչվել է Vbet Հայաստանի Պրեմիեր լիգայի՝ օգոստոսի լավագույն ֆուտբոլիստ, hաղորդում է Պրեմիեր լիգայի մամուլի ծառայությունը:
Այս ամիս նա մասնակցել է Հայաստանի առաջնության 4 խաղի ու դարձել 3 գոլի հեղինակ: Կիսապաշտպանը լավագույնն է ճանաչվել ինչպես ընդհանուր հաշվարկում, այնպես էլ երկպագուների քվեարկությամբ:
Ամսվա լավագույն մարզիչի մրցանակը բաժին է հասել 5 խաղում 5 հաղթանակ տարած «Արարատ-Արմենիան» գլխավորող Դմիտրի Գունկոյին: Ռուս մասնագետը առաջինն էր բոլոր փորձագետների գնահատականներով, իսկ երկրպագուների քվեարկությամբ երկրորդ տեղում էր: Գունկոն երկրորդ անգամ է արժանանում այս մրցանակին: Այս տարվա ապրիլին նա Հայաստանի առաջնության ամսվա լավագույն մարզիչ էր ճանաչվել նաև «Նոայում» աշխատելիս:
Հետևեք NEWS.am SPORT-ին Facebook-ում, Twitter և Telegram-ում