Իսպանիայի առաջնության երկրորդ տուրում «Բարսելոնան» Բիլբաոյում մրցեց «Աթլետիկի» հետ։ Հոլանդացի Ռոնալդ Կումանի գլխավորած թիմը բավարարվեց ոչ ոքի արդյունքով՝ 1։1։
Դաշտի տերերն առաջինը հասան հաջողության։ 50-րդ րոպեին իսպանացի պաշտպան Ինյիգո Մարտինեսը բացեց խաղի հաշիվը։ 75-րդ րոպեին կատալոնական թիմի նորեկ, հոլանդացի հարձակվող Մեմֆիս Դեպայը խփեց առաջին գոլը պաշտոնական խաղերում նոր թիմի կազմում։
«Բարսելոնան» 4 միավորով հավասարվեց «Մալյորկային» ու «Վալենսիային» եւ գոլերի տարբերությամբ առաջինն է։ «Աթլետիկը» 2 միավորով 9-րդն է։
Իսպանիայի առաջնություն, երկրորդ տուր
«Աթլետիկ» - «Բարսելոնա»՝ 1։1 (տեսանյութ)
Ինյիգո Մարտինես, 50 - Մեմֆիս Դեպայ, 75
Հեռացում՝ Էրիկ Գարսիա («Բարսելոնա»), 90+3
Հետևեք NEWS.am SPORT-ին Facebook-ում, Twitter և Telegram-ում