The x champ @Mousasi_MMA continues his reign over the Middleweight division with a well-earned stoppage victory#Bellator264 pic.twitter.com/YFZx6K8uD8
— BellatorMMA (@BellatorMMA) August 14, 2021
Խառը մենամարտերի Bellator-ի միջին քաշային կարգում չեմպիոն Գեղարդ Մուսասին պաշտպանել է տիտղոսը:
ԱՄՆ-ի Անքասվիլ քաղաքի Mohegan Sun մարզապալատում տեղի ունեցած Bellator 264 մրցաշարի գլխավոր մենամարտում հայ մարտիկը մրցել է 36-ամյա ամերիկացի Ջոն Սոլթերի հետ և երրորդ ռաունդում հաղթել տեխնիկական նոկաուտով:
Մուսասին նկատելի առավելություն ուներ ամբողջ մենամարտի ընթացքում: Երկրորդ ռաունդում նա մոտ էր ժամանակից շուտ հաղթանակին, սակայն մրցակիցը դիմացավ: Երրորդ ռաունդում հայ մարտիկի հարվածաշարի ընթացքում մրցավարը դադարեցրեց մենամարտը՝ արձանագրելով տեխնիկական նոկաուտ:
Մուսասին խառը մենամարտերում տարավ 48-րդ հաղթանակը: Նա կրել է նաև 7 պարտություն ու գրանցել 2 ոչ ոքի:
Հիշեցնենք, որ 36-ամյա Գեղարդ Մուսասին նախորդ մենամարտն անցկացրել էր 2020-ի հոկտեմբերի 29-ին, երբ միավորներով հաղթել էր բրազիլացի Դուգլաս Լիմային: Վիճարկվել էր Bellator-ի միջին քաշային կարգի չեմպիոնական գոտին, որը թափուր էր ամերիկացի Ռաֆայել Լովատոյի՝ կարիերան ավարտելուց հետո:
Ֆոտո՝ Mmajunkie.usatoday.com
Հետևեք NEWS.am SPORT-ին Facebook-ում, Twitter և Telegram-ում