00:44  ,  2 օգոստոսի, 2021

Ֆորմուլա-1․ Զանգվածային բախում մեկնարկում, Օկոնի առաջին հաղթանակը, Ֆետելի որակազրկումը

Ֆորմուլա-1-ի Հունգարիայի Մեծ մրցանակն ավարտվեց «Ալպինի» մրցարշավորդ Էստեբան Օկոնի հաղթանակով։ 24-ամյա ֆրանսիացին առաջին անգամ հաղթեց Ֆորմուլա-1-ում։ Երկրորդ տեղը գրավել էր «Աստոն Մարտինի» գերմանացի ներկայացուցիչ Սեբաստիան Ֆետելը, սակայն հետագայում նա որակազրկվեց վերջնագծից հետո վառելիքի 1 լիտրից քիչ ունենալու հետեւանքով։

Ֆորմուլա-1-ի կանոններով, եթե բոլիդում 1 լիտրից քիչ վառելիք է մնում, մրցարշավորդը որակազրկվում է։ Ֆորմուլա-1-ի տիտղոսը պաշտպանող բրիտանացի Լյուիս Հեմիլթոնը գրավել էր երրորդ տեղը, Ֆետելի որակազրկումից հետո «Մերսեդեսի» ներկայացուցիչը բարձրացավ երկրորդ տեղ։ Նա ընդհանուր հաշվարկի առաջատարն է։

Հունգարիայի Մեծ մրցանակի մեկնարկում զանգվածային բախում էր հրահրել «Մերսեդեսի» մրցարշավորդ Վալտերի Բոտասը, որն առաջին շրջադարձի ժամանակ ուշ արգելակեց եւ բախվեց «Մաքլարենի» ներկայացուցիչ Լանդո Նորիսի բոլիդին։  Բախումից հետո Նորիսի բոլիդը շեղեց «Ռեդ Բուլի» ներկայացուցիչ Մաքս Ֆերստապենի բոլիդը, իսկ Բոտասի մեքենան բախվեց Սերխիո Պերեսի բոլիդին։

Հետևեք NEWS.am SPORT-ին Facebook-ում, Twitter և Telegram-ում


  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ