Կարագանդայի «Շախտյորրի» և Հայաստանի ազգային հավաքականի կիսապաշտպան Սոլոմոն Ուդոն կարիերան կշարունակի ղազախական «Ատիրաուում», hաղորդում է ակումբի մամուլի ծառայությունը:
Արամ Ոսկանյանի գլխավորած թիմը մինչև ընթացիկ մրցաշրջանի ավարտը վարձակալել է 26-ամյա նիգերիացի ֆուտբոլիստին:
Սոլոմոն Ուդոն փետրվարին Երևանի «Արարատից» էր տեղափոխվել «Շախտյոր», որի կազմում մասնակցել է Ղազախստանի ընթացիկ առաջնության 16 հանդիպման ու դարձել մեկ գոլային փոխանցման հեղինակ: Հայաստանում Ուդոն հանդես է եկել նաև Երևանի «Ուրարտուում» (նախկին «Բանանց») ու Գյումրիի «Շիրակում»:
Հետևեք NEWS.am SPORT-ին Facebook-ում, Twitter և Telegram-ում