«Ռոման» մտադիր է գնել «Բարսելոնայի» ֆուտբոլիստին

Իտալական «Ռոմայի» պորտուգալացի գլխավոր մարզիչ Ժոզե Մոուրինյոն ցանկանում է իր ղեկավարած թիմի կազմում տեսնել «Բարսելոնայի» պաշտպան Կլեման Լանգլեին, հաղորդում է Sport.es-ը։

Հռոմեական ակումբն արդեն բանակցում է «Բարսելոնայի» հետ՝ առաջարկը սկսելով 15 միլիոն եվրոյից։ Կատալոնական ակումբի ղեկավարությունը հույս ունի 26-ամյա ֆուտբոլիստի տրանսֆերից ստանալ 25 միլիոն եվրո։ Լանգլեն հայտարարել էր, որ ցանկանում է մնալ հոլանդացի Ռոնալդ Կումանի գլխավորած թիմում։

Լանգլեն «Բարսելոնայում» է 2018 թվականից։ Իսպանիայի անցած առաջնությունում նա մասնակցել է 33 հանդիպման, խփել 1 գոլ, 1 անգամ էլ գրավել սեփական դարպասը։

Հետևեք NEWS.am SPORT-ին Facebook-ում, Twitter և Telegram-ում