Տոկիոյի մի շարք բնակիչներ բողոքի ակցիա են անցկացնում Ճապոնիայի մայրաքաղաքում մեկնարկած 32-րդ ամառային Օլիմպիական խաղերի բացման հանդիսավոր արարողության ժամանակ:
Բազմաթիվ քաղաքացիներ հավաքվել են Տոկիոյի Օլիմպիական ստադիոնի մոտ, որտեղ այս պահին ընթանում է բացման արարողությունը: Մի շարք հարցումներ ցույց են տվել, որ Ճապոնիայի քաղաքացիների մեծ մասը դեմ է կորոնավիրուսի համավարակի պայմաններում Օլիմպիական խաղերի անցկացմանը:
Some protests outside the Olympic Stadium but these people want to be part of it. #OpeningCeremony #Tokyo2020 pic.twitter.com/DUK9ezeC6c
— James Toney (@jtoneysbeat) July 23, 2021
Տոկիոյի Օլիմպիական ստադիոնում ընթացող բացման արարողությունը կորոնավիրուսի համավարակով պայմանավորված սահմանափակումների պատճառով անցկացվում է առանց հանդիսականների: Հայաստանի դրոշակակիրները կլինեն լողորդ Վարսենիկ Մանուչարյանը և բռնցքամարտիկ Հովհաննես Բաչկովը (63 կգ), իսկ տրիբունաներում ներկա կլինեն միայն պաշտոնական անձինք ու լրագրողները: Շքերթին կմասնակցեն 206 պատվիրակություններ:
Համաշխարհային առաջնորդներից արարողությանը ներկա է միայն Ֆրանսիայի նախագահ Էմանուել Մակրոնը:
Հիշեցնենք, որ կորոնավիրուսի պանդեմիայի պատճառով Տոկիո-2020 Օլիմպիական խաղերը հետաձգվել էին մեկ տարով և կանցկացվեն 2021թ. հուլիսի 23-ից օգոստոսի 8-ը: Հայաստանը 17 ներկայացուցիչ կունենա 8 մարզաձևերում: Հայ մարզիկներից առաջինը պայքարի մեջ կմտնի սպորտային մարմնամարզության Եվրոպայի չեմպիոն, Եվրոպական խաղերի ոսկե մեդալակիր Արթուր Դավթյանը, որը որոկավորման փուլում հանդես կգա հուլիսի 24-ին:
Հետևեք NEWS.am SPORT-ին Facebook-ում, Twitter և Telegram-ում