Հաջողությունս կրկնելու պատասխանատվություն եմ զգում, պարտավոր ենք մեր երկրի պատիվը բարձր պահել: Տոկիո-2020-ի մասին խոսելիս միանգամից պատկերացնում եմ օլիմպիական ոսկե մեդալը: Ցանկանում եմ դառնալ կրկնակի օլիմպիական չեմպիոն:
Այս մասին NEWS.am Sport-ի թղթակցի հետ զրույցում ասել է հունահռոմեական ոճի ըմբշամարտի Ռիոյի Օլիմպիական խաղերի չեմպիոն, աշխարհի եռակի, Եվրոպայի հնգակի եւ Եվրոպական խաղերի չեմպիոն Արթուր Ալեքսանյանը (97 կգ):
«Շատ պարտավորեցնող է, երբ բոլորն ինձանից միայն հաղթանակներ են ակնկալում: Այդպես լարվածությունն ավելի շատ է լինում, բայց ես ունեմ այն փորձը, որ նման իրավիճակներում ճիշտ լուծում եմ գտնում ու լավ հանդես գալիս:
Լոնդոնի Օլիմպիական խաղերի ժամանակ 20 տարեկան էի՝ դեռ երիտասարդ: Նոր էի մտել մեծահասակների կազմ: Փորձի պակաս կար այդ ժամանակ, բայց արդեն հասցրել էի մեծահասակներում մասնակցել Եվրոպայի, աշխարհի առաջնություններին: Թերեւս փորձի պակասն էր, որ ինչ-ինչ պատճառներով ինձ մոտ չստացվեց մի գոտեմարտ եւ դարձա Լոնդոն-2012-ի բրոնզե մեդալակիր:
Ռիոյի Օլիմպիական խաղերում արդեն ավելի հասուն էի, փորձված եւ ամեն ինչ ինձ մոտ լավ ստացվեց: Իմ երրորդ Օլիմպիական խաղերին տրամադրված եմ լավ: Ավելի մեծ փորձ եմ ձեռք բերել մինչ այս: Գնում եմ հաղթանակի հետեւից, իսկ թե ինչպես կստացվի, ժամանակն ու գորգը ցույց կտան: Հոգեբանորեն պատրաստ եմ: Երեւի հիմա ավելի հանգիստ եմ, քան Ռիոյի Օլիմպիական խաղերից առաջ:
Երբ ինձ մոտ Տոկիոյի Օլիմպիական խաղերից են խոսում, միանգամից պատկերացնում եմ Տոկիոյի ոսկե մեդալը: Պատասխանատվությում եմ զգում՝ հաղթանակս կրկնել: Լարվածություն մրցումների օրերին կարող է մի քիչ լինել, առանց դրա անհնար է»,- ասել է Արթուր Ալեքսանյանը:
Տոկիո 2020-ը Արթուր Ալեքսանյանի երրորդ Օլիմպիական խաղերն է: Նա Տոկիոյում մրցագորգ դուրս կգա օգոստոսի 2-ին Երեւանի ժամանակով 06:00-ից 08:30-ը:
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
12:12 , 23 ապրիլի 
11:45 , 23 ապրիլի 
11:06 , 23 ապրիլի 
10:40 , 23 ապրիլի 
10:07 , 23 ապրիլի 
09:41 , 23 ապրիլի 
09:06 , 23 ապրիլի 
00:44 , 23 ապրիլի 
00:14 , 23 ապրիլի 
23:29 , 22 ապրիլի 
