ՀՖՖ տեխնիկական կենտրոն/ֆուտբոլի ակադեմիայում ավարտվեց ՈւԵՖԱ-ի զարգացման մրցաշարը։
Խաղային վերջին օրը Հայաստանի մինչեւ 16 տարեկանների հավաքականը 3:1 հաշվով առավելության հասավ Հայաստանի Մ-15 տարեկանների թիմի նկատմամբ: Մրցափուլի մյուս խաղում Ղրղզստանի Մ-16 հավաքականը 4:2 հաշվով հաղթեց Լիբանանի Մ-16 թիմին, հաղորդում է ՀՖՖ-ի կայքը:
Տանելով 3 անընդմեջ հաղթանակ` Հայաստանի Մ-16 տարեկանների հավաքականը դարձավ մրցաշարի հաղթող։
Մրցաշարի Արդար խաղի մրցանակը շնորհվեց Լիբանանի Մ-16 հավաքականին, իսկ առաջնության լավագույն ֆուտբոլիստ դարձավ Հայաստանի Մ-16 տարեկանների հավաքականի կիսապաշտպան Գոռ Վանոյանը։
Հետևեք NEWS.am SPORT-ին Facebook-ում, Twitter և Telegram-ում