Մոսկվայի «Լոկոմոտիվի» նախկին մարզիչ Սարգիս Հովհաննիսյանն աշխատանքի է անցել ռուսական ակումբի սելեկցիոն բաժնում, հաղորդում է «Լոկոմոտիվի» մամուլի ծառայությունը։
Հայաստանի հավաքականի նախկին ֆուտբոլիստը հունիսի 11–ին հեռացել էր մոսկովյան ակումբի մարզիչների կազմից։
Սարգիս Հովհաննիսյանը 1994 թվականից եղել է «Լոկոմոտիվի» ֆուտբոլիստ՝ դարձել է Ռուսաստանի գավաթակիր, փոխչեմպիոն եւ բրոնզե մեդալակիր։
2004 թվականից նա «Լոկոմոտիվի» համակարգում զբաղվել է մարզչական աշխատանքով։
Սարգիս Հովհաննիսյանն ընդգրկված է եղել նաեւ Հայաստանի ազգային հավաքականի նախկին գլխավոր մարզիչ Արթուր Պետրոսյանի մարզչական շտաբում:
Հետևեք NEWS.am SPORT-ին Facebook-ում, Twitter և Telegram-ում