Ֆուտբոլի Հայաստանի հավաքականի թեկնածու Արտյոմ Սիմոնյանը կարիերան կշարունակի «Նիժնի Նովգորոդում»։ 26-ամյա կիսապաշտպանը ռուսական ակումբի հետ արդեն կնքել է պայմանագիր, հաղորդում է Sport-express.ru-ն։
Անցած մրցաշրջանում Արտյոմ Սիմոնյանը ներկայացնում էր ռուսական «Տոմը», որի հետ նրա պայմանագիրը կավարտվի հունիսի 30-ին։
«Նիժնի Նովգորոդն» Առաջին դիվիզիոնի անցած առաջնությունում գրավել է երրորդ տեղը եւ հաջորդ մրցաշրջանում հանդես կգա Պրեմիեր լիգայում։
Հետևեք NEWS.am SPORT-ին Facebook-ում, Twitter և Telegram-ում