22:50  ,  16 հունիսի, 2021

«Մանչեսթեր Յունայթեդը» 17 միլիոն ֆունտ ստերլինգ աշխատավարձ է առաջարկել Ռոնալդուին

«Մանչեսթեր Յունայթեդը» ցանկանում է վերադարձնել Պորտուգալիայի հավաքականի ավագ Կրիշտիանու Ռոնալդուին, հաղորդում է La Gazzetta dello Sport–ը։ Անգլիական ակումբն արդեն առաջարկ է արել Թուրինի «Յուվենտուսի» հարձակվողին։ «Մանչեսթեր Յունայթեդը» պատրաստ է 36–ամյա ֆուտբոլիստին վճարել տարեկան 17 միլիոն ֆունտ ստերլինգ աշխատավարձ։

Ռոնալդուի պայմանագիրը «Յուվենտուսի» հետ նախատեսված է մինչեւ 2022թ. հունիսի 30–ը։ Ավարտված մրցաշրջանում նա իտալական թիմի հետ մասնակցել է 44 հանդիպման, խփել 36 գոլ, կատարել 4 գոլային փոխանցում։

Ռոնալդուն «Մանչեսթեր Յունայթեդում» հանդես է եկել 2003–2009 թվականներին՝ երեք անգամ դառնալով Անգլիայի չեմպիոն, մեկական անգամ՝ Անգլիայի գավաթակիր, սուպերգավաթակիր, Չեմպիոնների լիգայի հաղթող, աշխարհի ակումբային չեմպիոն։

Հետևեք NEWS.am SPORT-ին Facebook-ում և Twitter-ում

Տպել    |  In English

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ