Ռումինիայի մայրաքաղաք Բուխարեստում ավարտին մոտեցող Grand Chess Tour-ի Superbet Chess Classic դասական շախմատի մրցաշարի վերջին տուրում Լեւոն Արոնյանը սպիտակ ֆիգուրներով մրցեց ադրբեջանցի Թեյմուր Ռաջաբովի հետ։ 14–րդ քայլում կողմերը համաձայնեցին ոչ ոքի արդյունքի։
Արոնյանը 9 հնարավորից վաստակեց 5 միավոր եւ ընթացիկ երկրորդ տեղում է։ Հաղթողի կոչումը նվաճեց ադրբեջանցի Շաքրիյար Մամեդյարովը, որը վաստակեց 6 միավոր։
Հիշեցնենք, որ Արոնյանը այս մրցաշարում հաղթանակ է տարել ռուսաստանցի Ալեքսանդր Գրիշչուկի եւ ռումինացի Բոգդան–Դանիել Դյակի նկատմամբ, ոչ ոքի է խաղացել ռումինացի Կոնստանտին Լուպուլեսկուի, ամերիկացիներ Ուեսլի Սոյի եւ Ֆաբիանո Կարուանայի, հոլանդացի Անիշ Գիրիի եւ ֆրանսացի Մաքսիմ Վաշիե–Լագրավի հետ, պարտվել Մամեդյարովին։
2021 Superbet Chess Classic, Round 9
— Grand Chess Tour (@GrandChessTour) June 14, 2021
@LennartOotes#GrandChessTour #SuperbetChessClassic pic.twitter.com/Vef3i3GbXq
Հետևեք NEWS.am SPORT-ին Facebook-ում, Twitter և Telegram-ում