NBA. Մրցաշրջանի լավագույն բասկետբոլիստն ու մարզիչը (ֆոտո)

«Դենվերի» կենտրոնական Նիկոլա Յոկիչը ճանաչվել է Բասկետբոլի ազգային ասոցիացիայի (NBA) կանոնավոր առաջնության ամենաարժեքավոր խաղացող:

Այս մրցաշրջանի լավագույն բասկետբոլիստի կոչման համար պայքարում 26-ամյա սերբ խաղացողն առաջ է անցել «Գոլդեն Սթեյտի» առաջատար Ստեֆեն Կարիից ու «Ֆիլադելֆիայի» ներկայացուցիչ Ջոել Էմբիդից:

Նիկոլա Յոկիչը ԱՄՆ-ից դուրս ծնված 6-րդ բասկետբոլիստն է, որն արժանանում է այդ մրցանակին:

The 2020-21 #KiaMVP is… Nikola Jokic! #NBAAwards #ThatsGame pic.twitter.com/G8NsqIA7vQ

— NBA (@NBA) June 8, 2021

2020/21թթ. մրցաշրջանի կանոնավոր առաջնության լավագույն մարզիչ է ճանաչվել «Նյու Յորքը» գլխավորող Տոմ Տիբոդոն: Քվեարկության արդյունքում ամերիկացի մասնագետը հավաքել է 351 միավոր: «Ֆինիքսի» գլխավոր մարզիչ Մոնտի Ուիլյամսը հավաքել է 11 միավոր քիչ, իսկ եռյակը եզրափակել է «Յուտան» գլխավորող Կուին Սնայդերը՝ 160 միավոր:

Տոմ Տիբոդոն այդ մրցանակին արժանանում է երկրորդ անգամ: Նա նման պատվի արժանացել էր նաև 2011-ին, երբ գլխավորում էր «Չիկագոն»:

Հիշեցնենք, որ NBA-ում արդեն մեկնարկել է փլեյ-օֆֆը, որտեղ պայքարը շարունակվում է քառորդ եզրափակիչում:

The 2020-21 NBA Coach of the Year is… Tom Thibodeau of the @nyknicks! #NBAAwards #ThatsGame pic.twitter.com/qcLXyy443x

— NBA (@NBA) June 7, 2021

Nikola Jokic (Serbia) is the 6th player born outside the 50 states to win #KiaMVP, joining Giannis Antetokounmpo (Greece), Hakeem Olajuwon (Nigeria), Steve Nash (South Africa), Tim Duncan (Virgin Islands) and Dirk Nowitzki (West Germany). pic.twitter.com/WmckmdjRcO

— NBA History (@NBAHistory) June 9, 2021

Հետևեք NEWS.am SPORT-ին Facebook-ում, Twitter և Telegram-ում