23:24  ,  31 մայիսի, 2021

«Վեստ Արմենիան» հայտարարեց գործունեության դադարեցման մասին

Հայաստանի Առաջին խմբի ավարտված առաջնությունում չորրորդ տեղը գրաված «Վեստ Արմենիան» հայտարարել է գործունեությունը դադարեցնելու մասին։

««Վեստ Արմենիա» ֆուտբոլային ակումբը ստիպված է հայտարարել գործունեության դադարեցման և Հայաստանի հաջորդ առաջնությանը չմասնակցելու մասին:

Ափսոսանքով ենք տեղեկացնում, որ ֆինանսական խնդիրները խորացան կորոնավիրուսի համավարակի հետևանքով, ինչը հանգեցրեց այսպիսի վերջնական որոշման:

Շնորհակալություն ենք հայտնում բոլոր ֆուտբոլիստներին, երկրպագուներին, այն անձանց, ովքեր եղել են թիմի մի մասնիկն ու կանգնած են եղել ակումբի կողքին:

Հայկական ֆուտբոլի մասնակիցներին, թույլ տվեք` մաղթել անխափան շարունակություն և զարգացում` անկախ բոլոր խոչընդոտներից»,- նշվում է հայտարարությունում:

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English

  • Այս թեմայով