Լոնդոնի «Չելսիի» գլխավոր մարզիչ Թոմաս Տուխելը Չեմպիոնների լիգայի եզրափակիչում «Մանչեսթեր Սիթիի» նկատմամբ հաղթանակի արդյունքում շարունակեց գերմանացի մսանագետների հաղթական շարքը Եվրոպայի ամենահեղինակավոր ակումբային մրցաշարում:
Երրորդ մրցաշրջանում անընդմեջ Չեմպիոնների լիգայում հաղթեց գերմանացի մարզիչի գլխավորած թիմ: Նախորդ մրցաշրջանում հաղթողի կոչումը Հանս-Դիտեր Ֆլիկի գլխավորությամբ նվաճել էր Մյունխենի «Բավարիան», իսկ 2018/2019թթ. մրցաշրջանում՝ Յուրգեն Կլոպի գլխավորած «Լիվերպուլը»:
Թոմաս Տուխելն այս տարվա հունվարին էր գլխավորել «Չելսին»՝ փոխարինելով Ֆրենկ Լեմպարդին: Գերմանացին առաջին անգամ նվաճեց Չեմպիոնների լիգայի հաղթողի կոչումը: Նախորդ մրցաշրջանում նա ֆրանսիական ՊՍԺ-ի հետ դուրս էր եկել Չեմպիոնների լիգայի եզրափակիչ, որտեղ պարտություն էր կրել Մյունխենի «Բավարիայից»:
Հիշեցնենք, որ պորտուգալական Պորտուի «Դրագաու» ստադիոնում տեղի ունեցած եզրափակիչում «Չելսին» հաղթել էր նվազագույն հաշվով: Միակ գոլը 42-րդ րոպեին խփել էր գերմանացի կիսապաշտպան Կայ Հավերցը: Դա 21-ամյա գերմանացու առաջին գոլն էր Չեմպիոնների լիգայում: Այս մրցաշրջանում «Չելսին» «Մանչեսթեր Սիթիին» հաղթեց երրորդ խաղում անընդմեջ:
Հիշեցնենք, որ «Չելսին» Չեմպիոնների լիգայի հաղթողի կոչումը նվաճել էր նաև 2011/2012թթ. մրցաշրջանում՝ եզրափակիչում հաղթելով Մյունխենի «Բավարիային»: Այդ տարի ևս լոնդոնյան ակումբը Չեմպիոնների լիգայում հաղթել էր մրցաշրջանի ընթացքում մարզչական փոփոխությունից հետո:
Հետևեք NEWS.am SPORT-ին Facebook-ում, Twitter և Telegram-ում
01:10 , 26 ապրիլի 
00:57 , 26 ապրիլի 
00:32 , 26 ապրիլի 
23:16 , 25 ապրիլի 
22:45 , 25 ապրիլի 
22:39 , 25 ապրիլի 
22:16 , 25 ապրիլի 
21:41 , 25 ապրիլի 
20:50 , 25 ապրիլի 
20:17 , 25 ապրիլի 
