Հայաստանի ազգային հավաքականի հարձակվող Սարգիս Ադամյանը հավակնում է գերմանական «Հոֆենհայմի»՝ մայիսի լավագույն խաղացողի կոչմանը, hաղորդում է ակումբի մամուլի ծառայությունը:
28-ամյա Ադամյանից բացի, մրցանակին հավակնում են խորվաթ կիսապաշտպան Անդրեյ Կրամարիչը և Տոգոյի հավաքականի հարձակվող Իլա Բեդուն:
Մայիսին Սարգիս Ադամյանը «Հոֆենհայմի» կազմում մասնակցել է Գերմանիայի առաջնության 3 խաղերի և դարձել մեկական գոլի ու գոլային փոխանցման հեղինակ: Բունդեսլիգայի վարկածով նա ընդգրկվել էր Գերմանիայի առաջնության վերջին՝ 34-րդ տուրի խորհրդանշական հավաքականում
Գերմանիայի ավարտված առաջնությունում հայ հարձակվողը մասնակցել է 18 հանդիպման, դարձել է 2 գոլի ու 2 գոլային փոխանցման հեղինակ:
Հետևեք NEWS.am SPORT-ին Facebook-ում, Twitter և Telegram-ում