Վարազդատ Հարոյանի գոլն օգնեց «Աստանային»

Ֆուտբոլի Ղազախստանի առաջնության 12-րդ տուրում առաջատար «Աստանան» հյուրընկալվելիս 5:2 հաշվով հաղթեց «Կայսարին»:

Հայաստանի հավաքականի պաշտպան Վարազդատ Հարոյանն «Աստանայի» կազմում անցկացրեց ամբողջ հանդիպումը և գոլի հեղինակ դարձավ 37-րդ րոպեին: Անկյունայինի խաղարկման արդյունքում նա գլխի հարվածով հաշիվը դարձրեց 2:0: Դա 28-ամյա ֆուտբոլիստի առաջին գոլն էր Ղազախստանի առաջնությունում:

Հայաստանի հավաքականի հարձակվող Տիգրան Բարսեղյանը բացակայում էր հյուրերի հայտացուցակից:

Գեղամ Կադիմյանը «Կայսարի» փոխարինողների թվում էր, սակայն խաղաժամանակ չստացավ:

«Աստանան» 32 միավորով գլխավորում է մրցաշարային աղյուսակը և 10 միավոր առաջ է երկրորդ տեղում գտնվող «Տոբոլից», որը մեկ հանդիպում պակաս է անցկացրել:

Հետևեք NEWS.am SPORT-ին Facebook-ում, Twitter և Telegram-ում