Սերխիո Ագուերոն դարձավ «Մանչեսթեր Սիթիի» ամենատիտղոսակիր ֆուտբոլիստը

Արգենտինացի Սերխիո Ագուերոն դարձավ «Մանչեսթեր Սիթիի» բոլոր ժամանակների ամենատիտղոսակիր ֆուտբոլիստը, հաղորդում է Opta-ն։

Կատալոնացի Խոսեպ Գվարդիոլայի գլխավորած թիմը ժամանակից շուտ նվաճեց Անգլիայի չեմպիոնի տիտղոսը։ 32–ամյա հարձակվողը 15–րդ տիտղոսը նվաճեց եւ գերազանցեց մանչեսթերյան թիմի նախկին կիսապաշտպան, իսպանացի Դավիդ Սիլվային տիտղոսների քանակով։

Ագուերոն ամռանը կհեռանա «Մանչեսթեր Սիթիից», որի կազմում հանդես է գալիս 2011 թվականից։

Նա Անգլիայի հնգակի չեմպիոն, եռակի սուպերգավաթակիր, Անգլիական լիգայի 6–ակի գավաթակիր է, մեկ անգամ էլ նվաճել է Անգլիայի գավաթը։

Հետևեք NEWS.am SPORT-ին Facebook-ում, Twitter և Telegram-ում