Իտալական «Ռոմայի» գլխավոր մարզիչ Պաուլու Ֆոնսեկան մեկնաբանել է անգլիական «Մանչեսթեր Յունայթեդի» նկատմամբ 3:2 հաշվով կամային հաղթանակը Եվրոպայի լիգայի կիսաեզրափակիչի պատասխան խաղում: Չնայած այդ հաղթանակին՝ իտալական ակումբը լքել էր պայքարը, քանի որ առաջին խաղում պարտվել էր 2:6 հաշվով:
«Շատ լավ սկսեցինք պատասխան խաղը, ունեինք բազմաթիվ գոլային պահեր, բայց հետո գոլ բաց թողեցինք: Մրցակիցն օգտագործեց իր առաջին հնարավորությունը: Սակայն մեր մեջ ուժ գտանք դրան պատասխանելու համար:
Պայքարը լքեցինք Մանչեսթերում տեղի ունեցած սարսափելի 45 րոպեների պատճառով: Այսօր անցկացրինք հրաշալի հանդիպում, սակայն դա բավականաչափ չէր»,- պորտուգալացի մասնագետի խոսքը մեջբերում է ՈւԵՖԱ-ի մամուլի ծառայությունը:
Հիշեցնենք, որ Հայաստանի հավաքականի կիսապաշտպան Հենրիխ Մխիթարյանը «Ռոմայի» մեկնարկային կազմում առանց փոխարինման էր խաղացել իր նախկին թիմի դեմ։ 32-ամյա Մխիթարյանը «Մանչեսթեր Յունայթեդի» կազմում հանդես է եկել 18 ամիս (2016-2018-ը) և նվաճել 3 տիտղոս, այդ թվում՝ 2017-ին դառնալով Եվրոպայի լիգայի հաղթող:
Եվրոպայի լիգայի մյուս կիսաեզրափակիչում իսպանական «Վիլյառեալը» 2 խաղերի արդյունքում հաղթել էր Լոնդոնի «Արսենալին» (2:1, 0:0) և պատմության մեջ առաջին անգամ կխաղա եվրագավաթների եզրափակիչում:
Հետևեք NEWS.am SPORT-ին Facebook-ում, Twitter և Telegram-ում
01:00 , 17 ապրիլի 
23:55 , 16 ապրիլի 
23:35 , 16 ապրիլի 
22:07 , 16 ապրիլի 
21:57 , 16 ապրիլի 
21:12 , 16 ապրիլի 
20:44 , 16 ապրիլի 
20:29 , 16 ապրիլի 
19:20 , 16 ապրիլի 
18:46 , 16 ապրիլի 
