Անգլիայի Պրեմիեր լիգայի առաջատար «Մանչեսթեր Սիթին» առաջին անգամ դուրս եկավ Չեմպիոնների լիգայի եզրափակիչ։ Կիսաեզրափակիչի պատասխան խաղում անգլիական ակումբն ընդունեց Ֆրանսիայի չեմպիոն ՊՍԺ-ին։
Կատալոնացի Խոսեպ Գվարդիոլայի գլխավորած թիմն առավելության հասավ 2։0 հաշվով։ Դուբլի հեղինակ դարձավ հարձակվող Ռիյադ Մահրեզը։
Ալժիրցի ֆուտբոլիստն աչքի ընկավ 11-րդ եւ 63-րդ րոպեներին։ Երկրորդ գոլի դրվագում արդյունավետ փոխանցումը կատարեց անգլիացի կիսապաշտպան Ֆիլ Ֆոդենը։
69-րդ րոպեին դաշտի տերերի բրազիլացի կիսապաշտպան Ֆերնանդինյոյի նկատմամբ կոպիտ խաղի համար հեռացվեց ՊՍԺ-ի արգենտինացի կիսապաշտպան Անխել Դի Մարիան։
Փարիզում տեղի ունեցած առաջին խաղում «Մանչեսթեր Սիթին» հաղթել էր 2։1 հաշվով։
Եզրափակիչի երկրորդ ուղեգիրը մայիսի 5-ին պատասխան խաղում կվիճարկեն Լոնդոնի «Չելսին» ու Մադրիդի «Ռեալը»։ Իսպանիայում տեղի ունեցած առաջին խաղում գրանցվել է ոչ ոքի՝ 1։1։
Չեմպիոնների լիգա, կիսաեզրափակիչ, պատասխան խաղ
«Մանչեսթեր Սիթի» - ՊՍԺ՝ 2։0 (տեսանյութ), (առաջին խաղ՝ 2։1)
Ռիյադ Մահրեզ, 11, 63
Հեռացում՝ Անխել Դի Մարիա (ՊՍԺ), 69
Riyad Mahrez has been directly involved in 5 goals in his last 5 Champions League games for Manchester City (3 goals, 2 assists) #UCL pic.twitter.com/UNdELspUyN
— UEFA Champions League (@ChampionsLeague) May 4, 2021
Mahrez nets again to put Manchester City 4-1 up on aggregate #UCL pic.twitter.com/SolMXSJerW
— UEFA Champions League (@ChampionsLeague) May 4, 2021
Հետևեք NEWS.am SPORT-ին Facebook-ում, Twitter և Telegram-ում