«Ժիլինան» եզրափակիչում է, Բիչախչյանը՝ գոլի հեղինակ

«Ժիլինան» դուրս եկավ ֆուտբոլի Սլովակիայի գավաթի խաղարկության եզրափակիչ։

Կիսաեզրափակիչի պատասխան խաղում «Ժիլինան» տանը մրցեց «Կոշիցեի» հետ եւ հաղթանակ տարավ 4։1 հաշվով։

«Ժիլինայի» եւ Հայաստանի հավաքականի 21-ամյա կիսապաշտպան Վահան Բիչախչյանը դարձավ գոլի հեղինակ՝ 12-րդ րոպեին արդյունավետ իրացնելով 11 մետրանոցը։ Հայ ֆուտբոլիստը մեկնարկային կազմում էր եւ փոխարինվեց 68-րդ րոպեին։

Առաջին խաղում «Ժիլինան» առավելության էր հասել 4։2 հաշվով։

Եզրափակիչի երկրորդ ուղեգրի համար մայիսի 5-ին պատասխան խաղում կպայքարեն Բրատիսլավայի «Սլովանն» ու «Բանսկա Բիստրիցան»։ Առաջին խաղում 3։0 հաշվով հաղթել է «Սլովանը»։

Հետևեք NEWS.am SPORT-ին Facebook-ում, Twitter և Telegram-ում