Անգլիական «Մանչեսթեր Յունայթեդի» պորտուգալացի կիսապաշտպան Բրունու Ֆերնանդեշը ճանաչվել է Եվրոպայի լիգայի կիսաեզրափակիչի առաջին խաղերի լավագույն ֆուտբոլիստ, հայտնում է ՈւԵՖԱ-ի մամուլի ծառայությունը։
Քվեարկության արդյունքում Ֆերնանդեշը գերազանցել է Նիկոլյա Պեպեին («Արսենալ»), Ռաուլ Ալբիոլին («Վիլյառեալ») և իր ակումբակից Էդինսոն Կավանին, որը դուբլի ու 2 գոլային փոխանցման հեղինակ էր դարձել իտալական «Ռոմայի» դեմ տնային խաղում (6:2)։ Պորտուգալացի կիսապաշտպանը ևս դուբլ էր գնացել Մանչեսթերի «Օլդ Տրաֆորդ» ստադիոնում տեղի ունեցած խաղում և կատարել նաև 2 արդյունավետ փոխանցում։
ՈւԵՖԱ-ն նաև ներկայացրել է Եվրոպայի լիգայի կիսաեզրափակիչի առաջին խաղերի արդյունքում կազմված խորհրդանշական հավաքականը․
Դարպասապահ․ Բերնդ Լենո («Արսենալ»)։
Պաշտպաններ․ Աարոն Վան-Բիսակա, Հարի Մագուայր, Լյուկ Շոու (բոլորը ՝ «Մանչեսթեր Յունայթեդ»), Ռաուլ Ալբիոլ («Վիլյառեալ»):
Կիսապաշտպաններ․ Նիկոլյա Պեպե («Արսենալ»), Սամուել Չուկուեզե («Վիլյառեալ»), Բրունու Ֆերնանդեշ, Պոլ Պոգբա (երկուսն էլ՝ «Մանչեսթեր Յունայթեդ»):
Հարձակվողներ․ Էդին Ջեկո («Ռոմա»), Էդինսոն Կավանի («Մանչեսթեր Յունայթեդ»):
Star performers from the semi-final first legs! @FedExEurope | #UELTOTW | #UELFPZ | #UEL
— UEFA Europa League (@EuropaLeague) April 30, 2021
Հետևեք NEWS.am SPORT-ին Facebook-ում, Twitter և Telegram-ում