23:29  ,  16 ապրիլի, 2021

Հայաստանի 5 մարմնամարզիկ կմեկնի Բազել՝ Եվրոպայի առաջնության

Ապրիլի 21-25-ը Շվեյցարիայի Բազել քաղաքում կանցկացվի սպորտային մարմնամարզության Եվրոպայի առաջնությունը, որին Հայաստանը կմասնակցի 5 մարմնամարզիկով՝ Արթուր Դավթյան, Վահագն Դավթյան, Արթուր Ավետիսյան, Գագիկ Խաչիկյան եւ Արմեն Պետրոսյան:

Թիմը մրցավայր կմեկնի ապրիլի 17-ին: Արթուր Դավթյանը հանդես կգա նժույգի եւ հենացատկի վարժություններում, Վահագն Դավթյանն ու Արթուր Ավետիսյանը կպայքարեն օղակների վարժությունում, Արմեն Պետրոսյանն ու Գագիկ Խաչիկյանը՝ բազմամարտում:

Հավաքականի գլխավոր մարզիչ Հակոբ Սերոբյանը Էլֆիկ Նազարյանի հետ կլինի մրցավարական կազմում: Թիմը Բազելում կգլխավորի մարզիչ Հայկ Նազարյանը:

Հիշեցնենք, որ սպորտային մարմնամարզության Հայաստանի հավաքականից օլիմպիական ուղեգիր ունի միայն Արթուր Դավթյանը:

Լուսինե Շահբազյան

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English