Եվրոպական խաղերի բրոնզե մեդալակիր Կարեն Տոնականյանը երկրորդ մենամարտն անցկացրեց պրոֆեսիոնալ ռինգում և տարավ երկրորդ հաղթանակը:
Մոսկվայում կայացած բռնցքամարտի երեկոյի ընթացքում հայ բռնցքամարտիկը մրցավարների միաձայն որոշմամբ հաղթեց Հարավային Աֆրիկան ներկայացնող Մաեմու Ռոֆիվային, որը պրոֆեսիոնալ ռինգում տարել էր 19 հաղթանակ ու դարձել էր նաև WBA-ի վարկածով Աֆրիկայի չեմպիոն:
Կարեն Տոնականյանը պրոֆեսիոնալ ռինգում նորամուտը նշել էր նախորդ տարվա դեկտեմբերին՝ նոկաուտով հաղթելով բելառուս Անդրեյ Իսաևին, ով ժամանակին եղել է WBF և IBF վարկածներով ինտերկոնտինենտալ գոտու չեմպիոն, նաև WBO վարկածով Ասիայի չեմպիոն:
Հետևեք NEWS.am SPORT-ին Facebook-ում, Twitter և Telegram-ում