10:22  ,  7 ապրիլի, 2021

Չեմպիոնների լիգա․ Օրվա հանդիպումները

Ֆուտբոլի եվրոպական Չեմպիոնների լիգայում ապրիլի 7-ին տեղի կունենա քառորդ եզրափակիչի եւս երկու հանդիպում։

Լոնդոնի «Չելսին» կհյուրընկալվի պորտուգալական «Պորտուին»։ 

Խաղը կսպասարկի Սլովենիայի մրցավարական բրիգադը Սլավկո Վինչիչի գլխավորությամբ։

Թիմերը նախորդ անգամ հանդիպել են 2015-2016 թվականների Չեմպիոնների լիգայի խմբային փուլում։ Պորտուգալիայում 2։1 հաշվով հաղթել է «Պորտուն», Լոնդոնում 2։0 հաշվով առավելության է հասել «Չելսին»։

Տիտղոսը պաշտպանող Գերմանիայի չեմպիոն Մյունխենի «Բավարիան» կընդունի Ֆրանսիայի չեմպիոն ՊՍԺ-ին։ 

Հանդիպումը կսպասարկեն իսպանացի մրցավարները Մատեու Լաոսի գլխավորությամբ։

Թիմերը նախորդ անգամ հանդիպել են Չեմպիոնների լիգայի անցած մրցաշրջանի եզրափակիչում։ Օգոստոսի 23-ին Պորտուգալիայում տեղի ունեցած խաղում «Բավարիան» հաղթել է 1։0 հաշվով։

Երկու հանդիպումներն էլ կմեկնարկեն Երեւանի ժամանակով 23։00-ին։

Չեմպիոնների լիգա, քառորդ եզրափակիչ, առաջին խաղ

«Բավարիա» (Գերմանիա) - ՊՍԺ (Ֆրանսիա)՝ 23։00-ին (Երեւանի ժամանակ)

«Պորտու» (Պորտուգալիա) - «Չելսի» (Անգլիա)՝ 23։00

Հետևեք NEWS.am SPORT-ին Facebook-ում, Twitter և Telegram-ում