10:38  ,  30 մարտի, 2021

Հայաստանի լրագրողների հավաքականը ֆուտբոլային մրցաշարի կմասնակցի Եգիպտոսում

Եգիպտոսում ապրիլի 1-ից 3-ը տեղի կունենա լրատվամիջոցների և լրագրողների 8-րդ ֆուտբոլային միջազգային մրցաշարը, որն այս անգամ կանցկացվի Շարմ էլ Շեյխ քաղաքում։

«TotoGaming» բուքմեյքերական ընկերության աջակցության շնորհիվ մրցաշարին կրկին կմասնակցի Հայաստանի լրագրողների ֆուտբոլային հավաքականը, որը 2019 թվականին արծաթե մեդալակիր է դարձել այդ մրցաշարում, հայտնում է թիմի ֆեյսբուքյան էջը:

Հայաստանի հավաքականից բացի, մրցաշարին կմասնակցեն ևս հինգ լրագրողական թիմեր՝ Ուկրաինայից, Բելառուսից, Եգիպտոսից, Մոլդովայից, Ղազախստանից: Երեք օրվա ընթացքում բոլոր թիմերը կմրցեն միմյանց դեմ։

Հիշեցնենք, որ լրագրողների Հայաստանի հավաքականը, որտեղ ընդգրկված են հայաստանյան մի շարք ԶԼՄ-ների աշխատակիցներ, միջազգային բազմաթիվ մրցաշարերի մասնակից և մեդալակիր է։

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով