Պրոֆեսիոնալ բռնցքամարտի 6 քաշային կարգերում աշխարհի նախկին չեմպիոն Օսկար Դե Լա Հոյան հայտարարել է ռինգ վերադառնալու մասին, հաղորդում է TMZ-ը:
48-ամյա ամերիկացին հայտնել է, որ իր հաջորդ մենամարտը տեղի կունենա հուլիսի 3-ին: Մրցակցի անունը դեռ հայտնի չէ:
Դե Լա Հոյան նախորդ մենամարտն անցկացրել է 2008 թվականին՝ տեխնիկական նոկաուտով պարտվելով ֆիլիպինցի լեգենդար բռնցքամարտիկ Մենի Պակյաոյին: Ամերիկացին պրոֆեսիոնալ ռինգում անցկացրել է 45 մենամարտ, տարել 39 հաղթանակ (30 նոկաուտ) ու կրել 6 պարտություն:
Հետևեք NEWS.am SPORT-ին Facebook-ում, Twitter և Telegram-ում